Тибқи иҷроиши Қарори Раиси ш.Душанбе №231 аз 23.04.с.2013 бахшида ба «Даҳ Рӯзи ҷавонони шаҳри Душанбе» ва ба муносибати Рӯзи ҷавонони Тоҷикистон, иҷроиши Нақша чорабиниҳои КИ ҲХДТ дар н.Шоҳмансур санаи 16 майи соли 2013 бо ибтикор ва сарпарастии КИ ҲХДТ дар н.Шоҳмансур дар майдончаи варзишии Ҷамъияти саҳҳомии шакли кушодаи «Тоҷиктрансгаз» мусобиқаи футболи хурд баргузор гардид.

Дар мусобиқа тими футболи «Магистрант»-и Донишкадаи такмили ихтисоси хизматчиёни давлатии Раёсати хизмати давлатии назди Президенти Тоҷикистон, тими футболи яккачини Муассисаи давлатии маркази миллии патенту иттилооти Вазорати рушди иқтисод ва савдои Ҷумҳурии Тоҷикистон ва тими футболи маҳаллаҳои ноҳияи Шоҳмансур бо номи «Шоҳмансур» иштирок намуданд.

Аз 1 то 4 майи соли 2013 дар шаҳри Сеули Ҷумҳурии Кореяи Ҷанубӣ шашумин намоишгоҳи байналмиллалии «Занҳои ихтироъкор ва соҳибкори байналмилалӣ» баргузор гардид, ки дар он аз 30 давлат 216 ихтироъ пешниҳод карда шуд.

Аз ҷониби Муассисаи давлатии Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон 6 ихтироъ, ки муаллифонашон занҳои ихтироъкор аз Ҷумҳурии Тоҷикистон буданд пешниҳод карда шуд.

Бо мақсади арҷгузории хизматҳои шоёни ҷанговарони Ҷанги Бузурги Ватанӣ роҳбарияти Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон ба аёдати иштирокчиёни Ҷанги Бузурги Ватанӣ, ки дар ҳудуди ноҳияи Шоҳмансури шаҳри Душанбе истиқомат мекунанд, ташриф оварданд.

Бахшида ба 20-умин солгарди таъсисёбии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон, аз ҷониби Китобхонаи давлатии патентию техникӣ санаи 18-19 апрели соли ҷорӣ дар Муассиса Конфронси умумиҷумҳуриявӣ дар мавзӯи «Сарватҳои иттилоотии китобхонаҳои Ҷумҳурии Тоҷикистон ва нақши онҳо дар рушди иқтисодиёт, инноватсия ва маърифати ҷомеа» баргузор гашт.

Дар кори Конфронс, Роҳбарияти китобхонаҳои вилояту шаҳру ноҳияҳо ва китобхонаҳои донишгоҳу донишкадаҳҳои олии кишвар ширкат варзиданд.

Бо ташаббуси Вазорати рушди иқтисод ва савдои Ҷумҳурии Тоҷикистон санаи 17 апрели соли 2013 нахустин ҷаласаи Кумитаи тадорукот ҷиҳати баргузор намудани озмуни ҷумҳуриявии «Бренди беҳтарини сол» барпо гардид.

Кумитаи тадорукот аз ҳисоби намояндагони бахши давлатӣ ва бахши хусусӣ дар назди Вазорати рушди иқтисод ва савдои Ҷумҳурии Тоҷикистон таъсис дода шудааст.

Кори ҷаласаро Вазири рушди иқтисод ва савдои Ҷумҳурии Тоҷикистон, Шариф Раҳимзода оғоз намуда, вобаста ба омодагӣ ва баргузории озмун вазифаҳои мушшахасро дар назди аъзоёни Кумитаи тадорукот муайян намуд.

Санаи 16 ва 17 апрели соли 2013 Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон дар ҳамбастагӣ бо Созмони умумиҷаҳонии моликияти зеҳнӣ семинар дар мавзӯи «Системаи Гаага оид ба бақайдгирии байналмилалии намунаҳои саноатӣ»-ро баргузор намуд.

Дар кори семинар Мудири бахши маълумотӣ ва пешбурди феҳристи системаи Гаагаи Созмони умумиҷаҳонии моликияти зеҳнӣ ҷаноби Ив Клозет барои доираи васеи коршиносон, ихтироъкорон, намояндагони патентӣ ва дигар шахсони масъул, ки дар семинар иштирок варзиданд, тақдимҳои худро пешниҳод гардонид.